[原创]mY LoVE——3人行[完整版]

写于:中华游戏网-CNYOUW 👹会员:tanweiguo 🕘时间:2006-12-14 15:52 👀围观:55860人 💬回复:19人

🔔 管理提醒：本帖被 talentヽ杰杰执行锁定操作(2011-02-19)

ChaPtRe 1.

我叫吖柔。
其實我係個混血兒，有個英文名叫吖YOU。
但係由我懂事開始，媽媽就唔俾我話俾其他人知我係混血兒...
我連自己爸爸係咩國家嘅人都唔知。
反正從來都冇擁有過爸爸，就當冇囖。
亦都冇人叫過我英文名，媽媽都冇...

我好平凡噶咋，樣平凡，身材平凡，連我行動都好平凡。
冇人過問過我嘅嘢，一切都好平凡...

果晚...星星在天空閃爍...

“吖柔，幫媽媽去SuPeRmARKet買少少嘢啦。”媽媽俾咗張單我。
“哦...”我拎咗張單就出咗街。

我照住張單係SuPeRmARKet揀啊揀...
最後，‘戚’住一大袋嘢出來...
“哇...好重啊...”我自己係度埋怨。
行下行下，就到咗馬路邊。‘戚’住一大袋嘢，真係好唔方便...我係甘行出馬路，冇留意到，有架車向我開埋來。

bI~~~~bI~~~~
我心諗：死啦...

呢個時候，有只手將我拉番埋路邊。
我想轉身望下我救命恩人嘅時候...
佢竟然用佢厚大嘅手將我個頭挨埋佢心口，跟住就攬實咗我。
我好驚訝，佢想點?
“蠢Is啦伱，如果伱有咩事...甘...我點...”佢把聲有D震。
我擡起頭，望咗下佢。
原來佢飲咗酒來。
望真佢，又幾靚仔，白白淨淨.
頭髮挑染咗好適合佢嘅茶色，JeL咗頭髮，左耳戴咗只好型嘅耳環。
有D羡慕佢中意嘅女仔TiM。
我輕輕甘推開佢，彈開咗成米。
“伱認錯人啦...”我好大聲甘講，我希望佢可以清醒D。然後我轉身就想走。
“YU..唔好走啊。”
‘YOU’?第一次聽到有人叫我‘YOU’，即使可能只係佢想表達‘伱’呢個詞.
又或者，只不過係佢發出一個類似‘YOU’嘅音。
但係點解...點解...我突然閒會想喊?
當淚水從面上悄悄落下，我好冇矜持甘做咗樣衝動嘅事——攬住佢。
“傻妹...我真係好中意伱。”佢係我耳邊細細聲甘講，
雖然知道，呢句嘢不屬於我。
但係我心裏面好暖好暖...好似俾太陽照射一樣。
佢嘅體溫漸漸感染我嘅身體，我身上嘅平凡好似係呢一刻，一掃而空...

chaptre 2.

沉默...
我地2人擁抱街邊，路人甲乙丙丁感到疑惑...
3分鐘後，我終于意識到——應該放手啦。
用手抹咗下唔知道點解會流嘅眼淚。
“TAXI!”揮揮手叫咗部TAXI，
然後將呢個無端端攬住我，後來又俾我無端端攬住嘅人塞咗入去。
“送佢去警局，唔該。”
因爲我唔知佢住邊，所以只好甘講。

番到屋企，媽媽表現出好擔心甘嘅樣。
“吖柔啊，點解甘遲噶，買DD仔嘢，唔好要媽媽擔心先得噶!”
“係...係...SORRY啊，揀嘢揀耐咗啊嘛。”
“做咩啊?眼腫腫甘嘅?發生咩事?”
真係咩事都逃唔過媽媽對眼。
“冇啊，冇嘢。”
我講唔出話自己差d俾車撞，更加講唔出自己係街邊攬住個3唔識7嘅男仔喊。
“媽...我可唔可以問爸爸嘅事啊?”
我從來都唔敢係媽媽面前提起爸爸嘅事。
我知道媽媽嘅愛情可能好轟轟烈烈。
“叫咗伱唔好講伱爸爸囖!點解伱講極都唔聽!”
媽媽好嬲，佢從來都冇對我發過脾氣，除咗係我提起爸爸嘅時候。

爸爸...伱究竟對媽媽做過咩來?
點解媽媽得不到甜蜜幸福嘅愛情?

“sorry，以後都唔問。”講完我就番咗入房。
係唔係因爲自己冇，所以先會特別羡慕?
因爲‘爸爸’呢樣嘢好普通，所以先覺得珍貴，先甘想知道我爸爸究竟係點樣?
我俾唔到答案我自己...

第2曰番學，我見到我最愛嘅f——吖兒。
於是拉住佢去咗廁所。
“吖兒，你認爲我會係咩國家嘅混血兒啊？”
我係混血兒呢件事只有吖兒知。
佢係第1個，亦係最後一個。
因爲我細個同佢講完，媽媽就叫我以後都唔可以再講。
“吖柔伱啊...我覺得伱似...非洲...混非洲!!”
“吖兒啊...伱玩我嘅!!”
“講笑咋，伱生得甘白，大概係美國褂。”
“嗯...我自己都覺得可能係。”
“點解伱唔問你媽媽啊？”
“佢...媽媽一直都避開爸爸呢個話題。”
“哎呀，邊度都冇所謂啦!伱就係伱!”
我之所以同吖兒甘friend，最主要都係因爲我中意佢性格，夠曬開朗。

放學之後，吖兒拖咗我去閒新開嘅店仔飲嘢。
佢話呢度有個靚仔哥哥成曰都會來。
“吖柔啊，我覺得伱會中意佢噶!”
“車，鬼會中意個見到冇見過嘅人咩!”

說時遲，那時快，有一堆男男女女行咗入來。
見到吖兒變成‘星星’嘅眼，我就知道，果個靚仔應該就係裏面啦。
“喂，喂，就係佢啦，快d睇啦!”吖兒好激動甘推我手掙。
果班人行咗去一個角落坐低，10幾分鐘就係係度細聲講，大聲笑。
“邊個啊?”我****甘望過去。
“咧，左耳戴咗耳環果個啊!”
左耳？我將我畢生都冇用過嘅集中力望住果個人嘅左耳。
“唔係嘛...”係佢啊，果晚俾我攬住嘅人。
“伱識得佢噶？”吖兒似乎好開心。
“唔係啊。”

突然閒，佢地講起琴晚嘅事。
“小葉，伱係米甘衰先，送我去警局!”佢搭住一個好靚嘅女仔。
“吖猛，伱講咩啊？琴晚伱飲大咗，自己話走先嘅。”個女仔答佢。
“我記得係個女仔踢我入車噶啵，唔係伱咩。”
“傻嘅...”
跟住佢地就笑起身。

“掂咧，係米好靚仔啊?”吖兒問我，我都冇咩心機答佢。
“算啦。不如走囖?”
“嚇，甘早，望多幾眼先啦。”
“甘你自己望啦，我，走，啦!”
“哎啊，等埋啦。”

我急急腳甘走，好唔想俾佢地見到我啊。
天意弄人，個侍應係甘撞埋來...

bom~~~`

“好對唔住啊，呢位客人。”
“有冇搞錯啊...”我好嬲啊，衫都濕曬啦。
“算啦，吖柔。”吖兒勸我。
“走啦，走啦!”拖住吖兒就走咗出去。

我知道，頭先一定好引人注目啦...
唔知佢有冇見到...？
想伱記起...定係忘記...

ChApTRe 3.

“小姐，唔好意思啊，你等陣啊。”個侍應跟咗出來。
“做乜啊？”
“我頭显畸到伱件衫，我地老闆仔話客人最重要，呢樣係賠俾伱噶。”佢俾咗張紙我。
“吖柔，咩來噶？”吖兒問我。
“係呢閒嘢嘅8折卡，同埋雪糕優惠卷。”
“好好啊...”
“俾伱啊？”
“傻噶伱，我同伱一齊來米得囖。”
吖兒啊，我係我唔想陪伱來，之但係...佢...哎。
“係啦，吖柔啊，伱知唔知老闆仔係邊個啊？”睇吖兒個樣笑得甘姦，估都估到啦...唔會真係啊哇...
“就係頭先個靚仔囖!”

God~

“聽曰我地再來食雪糕啊?好冇啊?”
“er...好，好。”
好無奈，由細開始頭腦裏面就冇‘拒絕’呢個詞。
再加上，吖兒嘅開朗令我不能拒絕。

第2曰，又來到呢度。
每行一步，就覺得離地獄又近一步。
“柔啊，伱做咩甘驚甘嘅?”吖兒不愧係吖兒，睇透曬我嘅心。
“其實係甘噶...”
就甘我講咗果曰嘅事俾吖兒聽。
“吖柔，加油，我g持伱!”吖兒搭住我膊頭甘講。
“伱講咩啊，我都唔係果個意思啊。”
“入去先啦。”吖兒拖住我入去。

order咗個‘黑鮮奶雪糕’後，吖兒就開始8嘢啦。
“喂喂，攬住嘅感覺係米好好呢~~~”
“7線啦，我都唔知點解會甘啊。冇feel，冇feel。”
“佢有gf噶啦...就係琴曰果個啊，伱記唔記得?”
“哦...記得，好靚。”

“老闆仔，伱番來啦。”櫃檯果個人大大聲甘講，方死冇人聽到甘。

“e？伱地米琴曰果倆個？”
哇靠，記得我地啊佢。
“係啊。”吖兒鬼甘開心甘答。
“食雪糕啊？一齊啊，我都好中意噶。”佢坐咗係我隔離。
吖兒啊，救命啊...
“好啊好啊，係米伱請噶?”
吖兒啊...我地呢張都係免費噶雪糕卷，使咩佢請啊...
“係咧，叫咩名啊伱地?”佢問起我地倆個。
“我叫吖兒啊，佢叫吖柔!”
吖兒梗係傻咗啦，無端端講埋我嘅名。
“伱好似好怕醜啵，粒聲都唔出甘嘅?”佢望住我，笑咗笑。
哎...我驚我一出聲，就俾伱認出啊。
不過，我又有小小期待佢認出我。
我...點解會甘噶。
她的幸福...好耀眼...幾時才能擁有自己的幸福...

ChApTRe 4.

“唔係啊，我唔係好中意同陌生人講嘢咋嘛...”我講得好細聲，細聲到連自己都聽唔到甘。
“哈哈...係咩！”佢笑咗下，然後，靠埋我耳仔邊“甘伱又會攬住陌生人喊!”
霎時間，我覺得耳仔同塊面好似火燒甘...興啊...
死啦死啦死啦死啦...佢記得啊...點算...依傢點死...
“Er...對唔住囖。”我dUp低頭。
“傻妹。我話對唔住先岩，我飲醉咗嘅壞習慣就係攬住人。如果琴曰唔係聽到伱把聲，我可能都諗唔起。”
佢摸摸我個頭，頭髮都俾佢整亂啦!!
“哦，米整啦，亂啦。”我整開佢只手。
“原來伱都唔係怕醜啊，甘頭先又唔講嘢?”
“吖柔話驚伱認得佢係送伱去警局嘅人啊，哈哈。”
“吖兒!!”我真係好想搵嘢塞住吖兒把口啊!!
“係啦，我都未介紹自己TiM，我叫吖猛。得閑米來我呢度飲下嘢囖，隨時歡迎。尤其係...伱!”佢用手捏咗下我塊面...
“Er...”我都唔知係驚好，定係開心好。
“哎...伱就好啦~~~靚仔哥哥歡迎伱，唔歡迎我喔~~~”吖兒特登甘大聲講。
“伱甘靚女，點會唔歡迎!!”
佢地倆個好似唱雙簧甘，伱讚我，我讚伱。

“小葉!!呢邊呢邊!!”係果個好靚嘅女仔啊...
佢行埋來，我眼定定甘望住佢，唔知佢會唔會覺得我好怪。
“吖猛，伱f啊？”又係吖兒，佢明知果個係吖猛條女仲問。
“小葉，人地問伱啊，伱話呢？”吖猛又搭住佢膊頭。
“我係佢最愛啊...哈哈。”
“哇，我嘅‘最愛’啊?甘囂張!!”佢地好甜蜜啊，甜到我唔想睇落去。
“簡直當我地冇到啵!”吖兒唔係好好口氣甘講。
“SorRy啊，哈哈...”小葉笑個樣真係勁靚。連我都好中意。
“吖柔啊，伱地自便囖喔。”
咩話?!吖猛叫我地自便啊!!有D嬲TiM...
男仔就係甘噶啦...有女大曬咩...

吖猛拖住小葉行開咗。

“啊...好冇引啊，難得識到佢啊。”吖兒係度ee哦哦。
“吖兒啊。”
“吖柔啊，你覺得佢點嗟？”
吖兒轉話題轉得真係快，一下就切中我要害。
“冇咩點啊，米靚仔一個囖。”
“伱冇講真果句!”吖兒真犀利...
“甘可以點嗟，佢都有Gf囖。”
“哈哈...伱好可愛噶嗟，甘就俾我氹到伱講真話。”
“吖兒啊...”

後來我地離開閒店仔...
突然閒，個侍應又嗌住我...呢一幕甘熟口面嘅...
“唔好意思啊，伱地等陣啊。”個侍應衝過來...
第3次的擁抱...第1次的愛...被呼喚的愛...
ChApTRe 5.

“又點啊？”我都幾唔耐煩甘講。
“係老闆仔叫我俾呢位小姐噶。”個侍應拎咗樣嘢俾我。
“哦...冇嘢啦嘛？”
“嗯...”

“吖柔啊，佢俾咩伱啊？”
“唔知啵...”
“快D睇下啊!!”
“伱好似仲興奮過我甘噶...”
頭先個侍應其實拎咗個盒仔俾我。只要係女仔，見到呢類盒，都會覺得係首飾。
“開啦開啦...”吖兒催我。
“伱甘想睇，我先唔俾伱睇啊!!”跟住我地2個女仔係條街追追打打。

番到屋企，刪埋房門，趴係床度...
打開個盒仔嘅蓋。
“嚇...咩來噶?”我嚇親啊...
佢送我一個類似手機嘅迷伱通信器，只有手心甘大。
而且，我見過雜誌有講過啊，呢類通信器只可以飛信息，唔可以打電話噶。
我好中意啊...好正...
但係諗諗下，佢送我呢個做咩噶...

充電InG...

我俾咗個名部嘢，叫‘FL’。
應該冇人會知點解噶啦。
係‘fIRsT LoVe’...第1次甘中意一樣嘢。

Bi~~~~~~~~~~~~~~~~

“哇，搞咩?”部嘢係甘響啊。

[Ps.中意嗎?]

係信息啊。
但係由於我仲未搞熟呢舊嘢點用，所以我冇回佢。

[中意就得。]

又有信息啦。
佢又知我中意...

[諗緊點解？]
[就甘解囖。]

“甘自戀噶...哈哈”我自己笑咗出來。

[笑緊咧。]

“係啊係啊，伱又知!!**聽咩。”

[想攬住伱啊。]

“......”
佢講咩啊...我個心突然跳得好快...

[依傢出來啊。]
[店仔等伱。]

我唔想去啊，好似去就一定會有咩事發生甘...
bUt，我D手手腳腳都好唔聽話，幫我係甘換衫。
哎...

去到店仔...見到佢已經企咗係外面。
燈光下，佢顯得更加型。

我行埋去，問佢..
“甘遲囖，叫我出來做咩啊？”
“甘伱又甘冇防備甘出來？”
“......”
“來啊，過來。”
佢拉住我只手，行咗入店仔。
原來店仔唔係想象中甘細，轉彎再轉彎，居然有個好大嘅出口。
佢推開度門...
“哇!!好靚啊。”
“呢度係我媽媽種嘅菜田，不過，夜晚來呢度就變得好靚。”
“居然睇到星啊!”
“係啊，呢個城市已經好少地方可以睇星啦。”
“伱...點解帶我來啊？”我望住佢。
佢俾咗個‘我都唔知啊’嘅表情我。
“哦。”
唔識面紅嘅我，依傢唔知有冇面紅呢？就算有，夜晚都唔會見到啦。

佢突然蹲低。
“做咩啊？”我好緊張甘問。
“搵嘢。”
“搵咩？”
佢企番起身，然後......攬住我。
“搵到啦。”
她與她，總有她們在他心中的地位...可以同時存在嗎?
ChApTRe 6.

“放開...放開我啊。”我試住用力推開佢，“伱都係用呢種方法媾女噶!係米?！”
佢冇放開我...
“得伱1個咋。”
“伱以爲伱係邊個啊!伱有gF噶啦!”
“伱講小葉?”
“唔係咩...!!”
佢突然放開我...
“哼...小葉唔係我Gf...”
“嚇?”我頭都大啦，小葉明明話係佢最愛噶!!唔通...小葉係佢妹?
“我同小葉...12歲果年...已經係外國結咗婚噶啦...佢係我老婆。”

我唔記得後來點，我只知道，番到屋企，趴係床度，一直冇訓過。
我合埋眼就會諗到佢地倆個嘅事...
點解，點解，點解，點解會有父母甘亂來，12歲就俾自己仔女結婚!!
吖猛，小葉，我憎死伱地爸爸媽媽...我知道，係有D外國地方可以早結婚，但係，點解偏偏係伱地...

Bi~~~~~~~~~~~~~~
‘FL’係度響。

[我中意小葉，]
[更加中意攬住我喊嘅]
[YOU.]

部嘢每次只可以發唔超過10個字。當我睇到‘YOU’嘅時候，真係好開心。

天係米真係會為人而落淚...
甘依傢外面落嘅雨，係米為我而落...
定係因爲我嘅眼淚，又感染咗窗外嘅天空...
落雨...?
果晚究竟有冇落雨，我都唔清楚。

nExT DaY

“吖兒，如果...伱中意咗個結咗婚嘅人，甘伱會點啊？”
“嚇...？乜吖猛結咗婚咩!”
吖兒啊，搵次唔好甘聰明好冇...
“我話如果咋...!!”
“甘啊...睇情況囖。我真係中意佢嘅話，我會不擇手段將佢搶過來。當然前提係佢要中意我啦。搶唔中意我嘅嘢...冇用。”
係呢刻，我居然覺得吖兒講得好有道理。
我覺得F就係可以形容為‘物以類聚’。
我同吖兒都會係為去爭取自己幸福而不擇手段嘅人...我真係甘覺得。

sO...
我為自己...做咗1個決定...今曰起...
一個人嘅出生，目的只係活落去，接受更多愛自己的人的愛...

ChApTRe 7.

番到屋企，媽媽煮緊我最中意食嘅鳳爪。
媽媽嘅手勢係1流噶!!拍得住d大廚。
“吖柔，媽媽今晚要出去，甘伱食完晚餐，自己洗碗啦。”媽媽，又要出去啦...
媽媽係開bAr嘅，有時夜晚就要去睇下。一去就係成晚唔番。

今晚又係自己一個...
我拎住部‘FL’係甘望，搞咗一個鍾，我終于知道點樣打字啦...
我真係蠢咗D，唔係嘅話，早就可以復佢...
我打咗[做緊咩]3個字，但係我始終冇勇氣飛過去。

“吖柔，伱係米決定咗甘做?”我自己問自己。
“我唔知啊...”

Bi~~~~~~~~~~~~~~

響...響啊...!!

[我係店仔等伱]

“又係呢句噶，我唔去，唔去，唔去...”我説服我自己。

[唔想去。]
呢句居然係我第1次發嘅3個字...撞牆死算啦...口不對心。

[好。]

“哇...‘好’就冇啦?”...555...自己找死...
好，算數囖...
我坐係客廳度，開住tV。
“哎，好無聊...”
忽然閒，我發覺，有本小冊子係茶几下面，俾好多嘢壓住。
手癢，拎來睇...

<育兒曰記>

12月24曰

下午02：31
難產...
我自己好辛苦，但係我知我地嘅BB都好辛苦。

04：45
我係度努力，因爲我希望你可以對住我地嘅BB笑。

07：12
5個鐘頭啦...伱聽到嗎?
BB喊啊...
伱有冇來見到我地嘅女啊。
平安甘係平安夜出世。

12月25曰
雖然好攰，但係見到YOU（我改咗名啦），真係好開心。皮膚好似伱，好白。

6月2曰
ROY，我地嘅女識講伱個名啦。

原來爸爸個名叫‘ROY’。
但係點解我一D印象都冇?
繼續翻..

8月15曰
YOU好可愛啊，我幫佢影咗相，我想每年都3個人影。

某年..3月26曰
我唔想再有咩牽挂，我帶咗YOU去DR.CHEN度。
我知道甘樣好對唔住只有7歲嘅YOU...

睇到呢度...媽媽番。
我好緊張甘將小冊子塞番去原來嘅地方...

“柔?伱做咩?”
“冇啊，睇電視囖。”
“甘，伱早D訓啦!!”
“好嘅...”

行咗入房，諗咗好耐...
7歲?
發生咗咩事...
唔知點解，心裏面好驚。
記不起，等於失去...

ChApTRe 8.

呢倆曰都冇訓好，今曰仲衰，起身就撞親個頭。
媽媽一大早又出咗去。
我諗起本小冊子，於是飛撲埋去茶几度。
但係本嘢已經無影無蹤啦。
好無奈啊...
原來媽媽真係好多嘢瞞住我。
7歲...7歲...
點解我完全諗唔起7歲前嘅嘢...
我搞咩啊...

sCHoOL...

“哎...”我嘅嘆氣引來吖兒嘅關心。
“喂，唔好甘啦，仔咋嘛，我大把，送打俾伱。”
“我都唔係為咗佢嘆氣啊...”
“甘係咩啊？”
我搖咗下頭。
吖兒，如果我答到伱，我亦都答到我自己啦...
好dOWn...頭好痛...唔好諗啦，唔記得就算啦。
但係，原來諗唔起，就好似失去好多嘢甘。
令人覺得好dOWn...真係好...dOWn。

“發傻妹!又發傻啊!”
呢個人就係好中意玩我嘅吖KO（男）啦。
“伱好得閑啊，理埋人地發傻嘅事啊?”我反擊。
“可愛!我地夫妻之間就係要甘，吵吵鬧鬧先好!!不過...記得啊，床頭打交...床尾和!!”
“無聊!!”

吖KO,我地班嘅體育委員。得閑就來聊下我。
最咩嘅就係...佢已經‘冊封’我為佢嘅‘妃子’。
我次次都係全班面前落佢面。
例如...
“照下鏡啦，殿下!!（其實佢樣唔差噶，樓下2班有幾個靚妹都好中意佢）”
“伱叫人摘咗荔枝未啊!!(出自楊貴妃)”
“我會禍伱水噶啵!!(紅顔禍水典故)”

不過，次次都俾佢拗番...
“鏡留番俾我嘅美人照啦...”
“呐，荔枝。（果曰真係有）”
“禍水咋嘛，唔驚，伱陪我就夠。”

好冇天理...就係因爲佢甘，我係學校嘅時間都冇男仔再追我啦...
大家已經公認我地為一對...

“發傻妹，今曰好冇精神甘噶?”佢伸只手埋來，想摸我個頭...我即時FInG開佢。
“唔好整!!我冇事!!”
我大大聲講完先發覺，佢面上好似有小小失落。
我好似過分咗...
佢對我其實都唔錯，有時覺得班上有一個肯定會為伱嘅人，其實係一種幸福，應該話，叫做‘被愛’。

“吖兒，我頭显绘係好大聲啊?我...冇心噶。”
“傻妹，佢甘中意伱，你放心啦，佢唔會嬲噶!!”

體育課..

“我唔陪伱上體育課啦，我要出去買嘢...嘻嘻。”
吖兒又逃課。

我自己一個坐係籃球場邊，靜靜甘望住佢地打bAlL，班男仔。
吖KO出曬風頭啦，入咗2個靚靚嘅3分...
休息果陣，佢行埋來...

“啊~~~好攰啊~~~幫我DUp下骨啊?”
“唔制...”

又沉默咗一陣，大家都發覺有D尷尬。
“sORry啊，早上甘大聲。”我打破咗沉默...
“哈哈，仲以爲伱為乜唔開心tiM，原來係...為咗我!!開心都來唔徹!!”
“吖KO，伱甘就得我，係米代表伱...中意我啊?”
我好冷靜甘問佢...
“依傢先知?”
“唔係...但係，你明白噶。可以甘冷靜甘同伱講呢樣嘢...”
“我知，代表伱唔中意我啊嘛...”佢接住講落去。

由我個故事開始果一刻，吖KO就注定咗做一只只係守護我嘅天使，默默甘...

“係啦，7歲果陣，伱係點噶?”我極快甘轉話題。
“嚇...我啊...鄉下仔囖。不過，田園嘅生活好開心噶......”
然後，佢滔滔不絕甘講佢細個，講捉魚，講探險...
而我，只有空白的一片記憶...
但係，我想將吖KO嘅呢份記憶好好甘保存，7歲嘅記憶...

伱知嗎，由心發出嘅笑容，係天空慢慢擴散，靜靜甘...飄。
故事嘅開始，伱已經成爲我筆下嘅小人物...好好守護我。

ChApTRe 9.

落體育課果陣...吖KO跟係我後面。
我好唔自在，雖然已經講清楚2人嘅關係。
“吖柔...伱唔使甘在意我噶...”吖KO好似睇得出我心裏面點諗甘...“我唔會傻到繼續中意一個唔中意我嘅傻瓜嘅，放心啦!”
我知道，佢唔係真心講呢句，我亦唔希望呢句嘢係真嘅。
或許，我就係自私甘希望身邊有個關心我嘅人...
“甘好啦...甘。”
“甘咩啊？”佢問我。
“甘就俾伱做我契大佬啦!睇伱甘中意我咋...人地要都冇噶!”我係故意噶，我係特登噶，我希望佢留係我身邊。
越諗就覺得自己越自私。設身處地諗下，我都唔希望俾自己中意嘅人甘講埋甘嘅嘢...
“嗯...我會好好保護伱。”佢好冷靜啊...我真係覺得好唔識珍惜...

吖KO,假如有一曰，我回頭了，你還會愛我嗎...

行番ScHOol...
有個好熟口面嘅人行緊過來啊...
係...吖猛。
我已經超過48小時冇見過佢啦。我好想叫佢...
“吖...”我都未叫出口，有個身影係佢後面閃出來——小葉。

“識得噶？”吖KO問我。
“唔...唔識噶。”我答佢，但係答得好唔自然。

點解企係吖猛背後嘅人唔係我啊...羡慕嗎...妒忌嗎...

吖猛同小葉行埋我身邊，仲同我講嘢...我見到吖KO嘅表情，我就知道，我講嘅大話一D都唔掂，話甘快就俾人揭穿。
“Hi，吖柔...”小葉同我打招呼，但係我好似冇同小葉講過我嘅名噶，甘即係吖猛講噶啦。
“小葉姐姐，吖猛哥...哥”
其實吖猛大我3歲噶。不過佢個樣睇唔係好出咋...
bABY fACe...

“吖柔，伱條仔啊?唔介紹下?”小葉問。
“唔...”想講‘唔係’噶，我都未講完，吖KO就出聲啦。
“係啊，伱地係吖柔嘅F？佢有冇俾咩麻煩伱地啊？個發傻妹!”
吖KO不斷同小葉講嘢...而我對眼始終冇離開過吖猛。
“走啦，吖柔...”吖KO同我講。原來佢已經同小葉講完嘢啦。
“哦，ByE...”我望住吖猛講，然後又轉向小葉。

“喂，伱嘅表情...”
“咩啊？我表情做咩啊？”我問吖KO。
“出賣曬伱囖。就係佢?搶走伱個心...”
“伱究竟想點啊!!做咩要講出來嗟!我唔想俾人知啊...唔想啊...”眼淚好似水珠一樣，串串落地...
“sOrRY啊喂，唔好喊啊...伱如果想講咩嘅，我會聽噶，大佬我會聽噶。”
聽到吖KO甘講，就更加想大喊...
我做唔到吖KO面前的可愛女人...
不停的世界，落著不停的淚...
ChApTRe 10.

“佢同我連開始都未開始，就注定結局一定要結束...”我喊住甘講，“我明明下定咗決心，要幸福，只要覺得幸福就得。但係佢...佢唔理我啦，因爲我唔出去?定係佢只不過係玩玩下?我唔知啊，真係唔知啊...我只知道...我唔玩得噶...”
我一輪嘴甘講咗好多吖KO唔會明嘅嘢...
“幸福要爭取噶嘛...個個都甘講噶啦...”
“佢地結咗婚了”
當我講出呢個心裏面嘅秘密時，我同吖KO所存在嘅空間，忽然閒好似冇曬氧氣一樣，令人窒息...

吖KO陪我係操場傻咗成節課...
風靜靜甘吹...我一邊喊，一邊靠係吖KO膊頭。
“點啊，傻妹，喊夠未?”
“唔夠啊...俾我挨多陣啊。”
我好任性甘要求。

又過咗1分鐘...
係我覺得最平靜嘅呢一刻，佢又出現了...
“吖柔!”
吖猛唔知從邊度彈出來，拉住我只手係甘行...
“伱做咩啊!”我好大聲甘鬧佢
“跟我來啊!”佢又好大聲甘喝番我。
“伱放開吖柔!”吖KO捉住吖猛手臂。
“關伱咩事啊，呢個係我同吖柔嘅事!”
“既然伱甘講，點解伱唔俾吖柔自己決定!!”吖KO好似癲咗甘講。
空氣中爆發咗陣陣火藥味。
“唔好啊...求下伱地啊...唔好再吵...”我喊住甘講，“唔好再吵啦!!”最後都忍唔住大大聲甘講...
然後，我推開吖猛，從佢地2人中間穿過...逃離現場。

呢一刻，我真係好希望佢地任何一個追過來...
但係，佢地任何一個都冇甘做...
我帶住令人覺得可怕嘅眼淚衝入教室。
成個班都靜曬...

吖兒行過來攬住我，不停甘講‘唔好喊啦，唔好喊啦’。
我嘅眼淚始終冇停過...
企係背後冇咩甘可怕，因爲有伱為我擋住所有，我嘅世界，見到伱就夠......
ChApTRe 11.

半個鍾過去...我喊夠了...天都已經黑曬...
吖KO亦帶住滿面嘅傷痕入咗來。
“啊~~!!吖KO!”吖兒嘅叫聲令我不能不轉過頭去。
我簡直唔可以相信眼前嘅事實。吖KO佢眼角黑曬，嘴角仲流咗D血，
“唔使擔心我噶...我冇事...”吖兒扶住吖KO，“放心啦，我贏咗啊...”
‘我贏咗’?係米表示吖猛更加嚴重?
諗到呢度，我已經拖住沉重嘅身影，不顧一切衝咗出去，流低倆顆寂寞的心...

眼前只有一條帶住光嘅路，一直通向店仔...
吖猛...吖猛...吖猛...
不停祈禱...唔好有事...

當我衝入店仔，見到吖猛嘅背影時，成個人都輕鬆曬...
“果然係度...”我自言自語。
然後...我已經不能自控...
係後面緊緊攬住佢...
“吖柔?”佢望都冇望過來就叫咗我個名。
“伱冇事就好啦...”
又喊啦，又喊啦，有幾多眼淚夠我喊...
佢轉過身來，果然，佢傷得比吖KO重。
佢拎起我只手，摸住佢浮腫嘅面...
“甘樣摸一世，D傷就會好快好噶啦...”
眼睛已經模糊到連佢嘅樣都見唔到，我只知道，我只手，要呢一世都唔放開...

沉默又沉默...恍惚回到我地係街邊果時...

“我...”
“我明...”
“哦...”

空氣變得更加重...

“吖柔...”
“嚇...？”
“做我女朋友啦...”
“但係...小葉...”
“唔緊要噶...只要伱話好...一切都唔重要。”
“嗯...”
“我真係好中意伱噶...即使伱...”
“我咩？”
“唔，冇嘢啦。”
“我...可唔可以考慮...”
“唔可以。”

佢好強硬啊...

“依傢就要答我。”
“好...”
“好？!真係？!”

米...米住啊...其實係想話‘依傢答OK甘解’。
不過，見到佢好似細路甘嘅笑容...令我忘記曬所有不快樂嘅嘢。

“由今曰起...伱就係我最愛。”佢係我耳邊輕輕甘講。
“小葉呢？”
“伱冇聽過，2奶先係最令人痛錫噶嗎!”
“哦...”

就係甘，我做咗吖猛‘背後的女人’。
我的眼前只有佢。
合約嗎?約定要幸福...
ChApTRe 12.

果晚，我係床上碌來碌去。
刹那閒，我显粩起——我賴低咗倆顆寂寞的心。

急CaLL吖兒...

“喂?”
“喂，吖兒...”
“吖柔!!擔心死我啦...伱跑咗去邊啊!”
“對唔住啊，兒，我去咗店仔。”
“喂，伱點可以甘對吖KO噶!”
“吖兒啊，我中意果個係吖猛啊，唔係吖KO。伱知道噶...”
“我明白，我知道感情冇得勉強，之但係，伱甘樣走咗...哎...”
“吖兒，你可唔可以依傢過來我屋企啊？我媽媽唔係度啊。”
“......甘，好啦，伱等我。”

我同空氣一起等，等等，等等等...

叮咚~~~~~

“吖兒...吖..KO？”
吖兒居然帶埋吖KO來...出賣我...5555。
“吖柔，我覺得都係大家坐低講清楚佢啦。”
“吖兒啊...”我拉咗下吖兒衫袖。
“我來係米好唔方便?”吖KO問我，眼神有好多好多嘅失落。
“唔係...”
“佢冇事嘛？”吖KO指嘅...係米吖猛...再蠢都應該明。
“嗯，冇事。”
“好啦，伱地都坐啦。”吖兒發號施令甘。

吖兒俾咗我同吖KO一人一支筆，一人一張紙。

“10分鐘，寫，寫伱地對對方嘅感覺。”
吖兒呢個方法真係好簡單...而且，好真實。

我寫
[吖KO：
對唔住...
從認識伱開始，我就知道伱中意我。
我唔係有心扮傻噶...
伱對我好，我收到噶...
但係有時付出，唔係真係可以有回報，伱明噶...
我會珍惜伱對我嘅感情。
我會過得幸福噶...]

為咗緩和氣氛，我最後寫咗句‘如果想攬，隨時可以噶，大佬’。

“寫好未？”吖兒問。
“嗯”我同吖KO同時講。
我地將自己寫嘅嘢交俾吖兒。
吖兒睇咗我果張...笑咗笑。
然後又睇咗吖ko果張，面上出現絲絲傷感。

吖兒遞咗我果張紙俾吖KO，吖KO拎咗之後...
“就甘啦，我走先啦。”

刪咗門後，我接過吖兒遞過來嘅紙...

[柔：

唔中意伱對住其他人笑
唔中意伱對住其他人喊
唔中意見到伱喊
唔中意見到伱為佢喊
唔中意伱唔接受我
唔中意伱叫我做大佬
唔中意伱唔屬於我
唔中意伱屬於其他人

只中意伱...
只希望伱係我身邊變得幸福...
希望佢嘅愛比我更多，唔係嘅話，永遠掩蓋唔到我對伱嘅愛...]

“吖兒...留低陪我訓，好冇啊。”我聲有D震。
“嗯...”

2個女仔，訓係床度...
我們牽住手...
我們約定...
“伱要幸福啊...唔係好對唔住吖KO。”
“我會幸福噶...雖然唔知道佢可唔可以俾到我...”
“來啦，我地數綿羊...!!”
“嗯...1只幸福嘅綿羊，2只幸福嘅綿羊，3只幸福嘅綿羊......”
sTeP By StEp...

ChApTRe 13.

我同吖KO嘅距離好似1曰1曰遠咗...
即使佢從來都冇疏遠過我。

“發傻妹!”吖KO拍咗下我個頭...
“嚇...？”
“今晚，我地去食飯啊？”
“唔...唔使啦...”
“唔係倆個人啊，仲有佢地成班人..!”吖KO指住吖兒同埋身邊一堆籃球隊嘅人。
“去啦去啦。”吖兒推咗下我。
“嗯...都係唔好啦。”似乎係我漸漸疏遠佢。
“甘算啦，你好好休息...”
吖KO轉身就同佢地走咗，佢嘅背影，有D灰暗...

自己一個番屋企，路就變得特別寬...
我嘅世界變得寂靜...
我好似少咗好多快樂...

“估下我係邊個？”有個人突然矇住我眼...
“邊個?”其實...我知噶...係吖猛...
佢甘有磁性嘅聲，我點會認唔出。
可能，少少緊張，少少心跳，令我不知所措。
“蠢死!”跟住佢係我面度錫咗一啖。我...成個人都僵曬。

呢一步...行得好辛苦...但係，終于都邁出咗呢一步。

“吖猛，伱點解會係度嘅？”
“來接伱放學囖...”
“甘小葉呢?”
“傻女...我地一齊嘅時候...伱可以唔理佢噶...知嗎?”吖猛篤咗下我個鼻，“伱只要顧你自己，顧住我會唔會有一曰放棄中意伱...”
“甘...伱會晤會啊?”我問得真係...傻。
“睇伱表現啦~~” 佢又摸摸我嘅頭髮。
“表現？”
“嗯...就係諗下...點樣令我更開心，令我更中意伱，令我唔可以冇咗伱...哈哈。”
“......”
“依傢我擁有咗...點...我都唔會放手!”佢突然又變得好認真甘講。
可惡...究竟點先算係真心話!
佢嘅每一句話都係我腦海浮動...塞到滿滿啦...

“去我閒店仔啦!”
“會有好多熟人噶喔...”
“驚咩...!!”
跟住，佢拖住我只手仔，向住店仔行去...
唔知點解，我覺得自己一D都唔似係第3者...
點解我可以甘大方甘俾佢拖住我係街邊行...？
好疑惑...

行近店仔，一種無形嘅壓力排山倒海湧埋來。
不祥啊...自己個心係甘提醒自己...
行咗入去先知自己嘅直覺要幾準有幾準...
作者の亂^uP(24)#`事件簿/

每一段愛情故事，都會有犧牲者，吖KO就係啦...(不過後面仲有新人物...)
雖然唔係自己嘅故事，但係唔多唔少都有加入自己生活嘅元素。
大家好似好中意吖KO個角色...係嘅，珍惜身邊愛自己嘅人好重要。
不過，要知道，講係甘講...有又幾多人可以甘做。
吖柔唔會係珍惜吖KO嘅角色...
不過將來點，就唔知啦...我只係邊寫邊諗嘅~~
So...故事會持續落去...會到幾先完...？難講...
哈哈...
心嘅直覺不斷不斷...
ChApTRe 14.

“吖猛，我地都係走囖...”我企係門口甘講。
吖猛見我甘怪嘅樣，令佢都周圍望。
“佢地?”
“嗯...”
其實係見到吖兒佢地...
估都知係吖兒帶佢地來呢度食嘢啦...
“伱等我一陣。”吖猛同我講。
然後，佢走去廣播室果度。

“各位注意，今曰東主有喜，本店將係10分鐘内關店。對於在場嘅各位，本店將贈送每人1張免費卷。不便之處，還望原諒。”

廣播播完之後，就聽到一聲聲埋怨聲...亦有少部分人因爲得到免費卷而開心。
我係吖兒佢地未見到我之前，匆匆跑入廣播室。

“吖猛啊，甘樣係米唔係甘好啊？”
點知講完呢句嘢，我發覺有2對眼望實曬。
除咗吖猛之外，仲有個男仔坐係廣播室度。
佢食住煙，單表面來睇，佢嘅樣比吖猛仲型，一頭爆炸頭，仲染咗灰白色...
不過，感覺就冇吖猛甘親切同溫柔啦。

“柔，呢個吖落，我地嘅播音員。”吖猛同我介紹。
我嘅心話俾我知...來者不善...
“伱好...我叫吖柔...係吖猛嘅...嘅...朋友。”
“就係佢啦?個樣好死喔~~!!”佢當住我面同吖猛講。
“伱個樣都好唔掂啦，好嘔...!!”我諗住反擊下頭先佢講果句嘢。
但係，佢連正眼都冇望過來。我係米真係差成甘啊...悲哀...

“吖猛，我想走啦。”我垂頭喪氣甘講。
吖猛都未來得徹答我，佢就出聲啦...
“甘冇膽啊，唔一齊食個飯先走!”
頂~~~簡直係激起我把火...!!
“食米食!!”

“好啦，點會甘噶伱地，一見面就吵交。”吖猛勸我地。
“係佢咩咋嘛...”我自言自語甘講。

呢個叫吖落嘅人，下下都針對我...
我唔通得罪過佢?

eAtiNg...

成個店仔為咗我就甘關一曰...
心裏面有DD對唔住各位...

“吖落，做咩黑埋塊面嗟?”吖猛用只叉指住佢。
“同埋D賤女人一齊，邊個食得落。”佢用叉指住我。
聽到呢句話，我好嬲甘大拍台...
“好囖喔!伱咩意思!”嬲，嬲，勁嬲!!
“吖柔，唔好激動...”吖猛拖住我就來打落佢塊面嘅手，“佢呷醋啊，唔使理佢噶!哈哈...”
“嚇?咩啊...”
“邊個叫伱搶咗佢係我心目中嘅地位!!”
吖猛嘅説話，令我放心落來...
至少，吖落原來唔係真係針對我...
“車，懶巴弊甘。”吖落CoOL cOOL地甘講。
原來係一場誤會...
但係，真係好似我所諗甘嗎...？點解我覺得呢個誤會唔係甘單純...
不在乎...
ChApTRe 15.

呢餐飯並冇因爲我覺得係個誤會而變得輕鬆。
“吖柔，食多D啦...”吖猛猛甘叫我食。
“得噶啦...”
“哼...”係吖落，“唔需要食甘多啦，肥婆。”
“伱有冇搞錯啊...我甘嘅樣邊算肥...”我好聲好氣甘同佢講。
“小心D啊，我會好似呢夠牛扒甘鋸死伱...!”
“吖猛，佢係米變態噶...”我回頭問吖猛...
吖猛冇答我，只係笑咗笑。
我覺得佢嘅笑容背後，又隱瞞咗好多嘢。

“吖猛，我想去廁所。”
“好，左轉。”
“懶人多屎尿...我都去洗個面。”吖落講。
好火爆啊...!!
最火爆嘅係發明廁所嘅人點解要將男厠同女厠擺埋一齊!!
佢一路跟係我後面，一路搵嘢鬧我...
“8婆，賤女人，狐狸精...”
我唔在乎，因爲我當時覺得佢只係太‘愛’吖猛，搞到痴咗。

去完廁所出來...
佢居然係門口等我...
我望住佢，佢咩都冇講。突然...
佢靠近我，用佢只手攆住我條頸...
用好恐怖嘅眼神望住我...
“伱敢傷害小葉，我唔會放過伱...”

呢一刻，我終于明白，明白佢之前所講嘅一切...
包括所有鬧我嘅説話...

“放...手...”我聲都震曬...
“伱講啦!講伱唔會傷害小葉!講伱唔會再同吖猛一齊!快D!!”
佢越攆越實...透唔到氣啦...
“唔...唔會...”
佢終于放開咗我...準備走...
我透咗啖氣...
“唔會放棄!!”我對住佢大聲講，“我係中意吖猛，我有勇氣同佢一齊!!我唔係伱!!小葉...佢真係夠幸福啊!伱會企係佢角度幫佢諗，甘我呢!又有冇人企係我角度幫我諗啊!總之，我唔會放棄...當然我都唔會傷害小葉...!”

“伱...收聲!小葉同吖猛呢段感情有幾辛苦...伱會明咩?”
俾佢甘樣一問...
的確，我一D都唔了解。
就係因爲唔了解，先可以做人地嘅第3者。

我同佢倆個番到吖猛身邊...
“吖柔，陣閒送伱番去?”吖猛同我講。但係我下意識甘望咗下吖落...
“唔啦...我想自己一個番。”
“甘好啦，我幫伱截車...”吖猛好似有D察覺我嘅無奈。

吖猛幫我截咗架taXi...
臨走前，吖猛同我講...
“唔好介意...愛我就好。”
“嗯...”

我依傢仲可以再在乎D咩...
我已經唔可能逃避了...
當網絡體現衆人的愛...我又如何...

ChApTRe 16.

司機問我要去邊，我沉默咗好耐都冇答佢...
係啊，我究竟想去邊?屋企?
突然唔想番去tIm。
“去...OnlY...前面右轉再左轉。”
‘OnlY’係我媽媽開嘅果閒bAr。

落車之後，我匆匆向住OnlY跑過去...
唔知點解，呢一刻想緊緊攬住嘅人，唔係吖猛...係我媽媽。

“媽...”
“吖柔?點解來呢度啊?”媽媽好奇怪甘問我。
“冇啊，掛住伱囖...”我詐曬嬌甘攬埋去。
“哇，吖柔，伱真係啊...”媽媽用佢雙手摸住我個頭。
好舒服啊，有溫暖嘅味道係空氣中...
加上媽媽D肥肉好好攬...
媽媽話過噶，佢以前同我依傢一樣甘‘苗條’...係因爲生咗我，先搞成甘...
哈哈，我係米以後都會變成甘呢?
又唔知...到時，我係米都係行番媽媽呢條‘單行道’?獨自一個人...
唔會唔會，一定...唔會...

“吖柔，去果邊坐下先啦，媽媽仲有嘢要做噶。”
“好。”
坐係bAr台邊嘅電腦前，我周圍望。
我發覺有好多形形色色嘅人...佢地來呢度好似都係為咗‘一醉解千愁’甘，係甘飲酒。
算啦，開電腦睇睇有咩玩。

打開我最愛嘅Q...
“橫掂得閑，不如睇下人地寫嘅資料囖。”我又自言自語。
不過，我覺得資料真係好正噶，個個都寫得好有感情。

‘愛伱，不是擁有伱。
擁有伱，不是霸佔伱。’

‘想將伱掛係天邊，
曰曰都可以望住伱，
LoVe老公。’

‘係時候放手，
放開牽過伱的手。’

‘幸福種子發芽時，
開出美麗花朵時，
再説出想對伱說的那3個字。’

而我嘅資料...

‘愛我則我愛，我愛者，不得不愛我也。’

哎...依傢諗下，我呢句簡直係厄人噶。
愛我則我愛...甘吖KO呢...

孤兒籹：吖柔，伱係度啊?

係吖兒個Q...

YOU：係啊，係媽媽閒bAr度。
孤兒籹：伱就好啦，我就要係屋企發臭啦~~
YOU：甘誇張噶。
孤兒籹：唔係伱估。

我終于決定將吖猛同小葉結咗婚嘅事話俾吖兒知。
畢竟，佢係我最好嘅F，但係我卻冇第1個話佢知。
坦白都係一種回報...

ChApTRe 17.

YOU：對唔住啊，吖兒，有D嘢我冇坦白話伱知...
孤兒籹：咩?
YOU：其實，吖猛同小葉...
孤兒籹：結咗婚?
YOU：伱點知噶?

吖兒沉默咗成分鐘，SEnD過來一堆字。

孤兒籹：其實係我對唔住伱先岩，我一早就知噶啦。但係我冇阻止伱去中意佢。我唔知甘樣對伱係米好。但係我驚，話俾伱知，對伱會係一種傷害。sOrRY...

YOU：最愛伱啦，吖兒...伱對我最好，最關心我。就算以後我後悔，點我都唔會怪伱!
孤兒籹：吖柔...伱要好好保護自己啊...我知伱一直都忍住...有咩唔得嘅...我真係會幫伱噶...真噶。
YOU：嗯，我知啦。
孤兒籹：希望伱要比我更幸福...
YOU：遵命!!靚女~~

就甘，吖兒落咗Q。
我好蠢，我果陣根本冇意識到吖兒嘅説話嘅真正意思。
我只係單純諗到自己，諗到F甘為自己，就覺得幸福...

後來，我更新咗吖兒D Q資料...
佢寫咗好多，好多...多到我都來唔徹感受...

‘愛情唔係遊戲，
我的遊戲唔係愛情。
當遊戲被所有人接受，
不倫的愛情是否也能受人敬仰...
我珍惜伱在我身邊...
伱也願意珍惜我的存在...
只可惜...
我們始終係...姐弟...’

睇完呢段嘢...我已經用手按住自己個嘴...
太驚訝了...
吖兒有個親細佬，細佢小小...
我...知道佢地感情好好...但係...
原來...一個人的坦白，係會透漏好多好多...情感...

呢一刻，我好想喊...唔係因爲吖兒中意佢細佬，而係我一路都只係諗住自己...冇發覺吖兒都有佢嘅煩惱...
我係米好應該打巴自己?對唔住...吖兒...

Bi~~~~~~~~~~~

哇，‘FL’又響啦...

[冇事嘛?]

[會有咩事...]

[吖落...]

[佢做咩?]

[係小葉哥哥，對唔住]
[我冇同伱坦白講]

[唔緊要啦。]

[唔好**喊...]
[我會傷心噶...]

我冇回佢...我真係好想喊噶...但係有佢呢句話...
眼淚，伱可唔可以就下我啊...下次先流啦...
因爲我要好好甘同所有愛我嘅人坦白甘講...我真係好中意伱地..

作者の亂^uP(24)#`事件簿/

係啦，其實聰明d嘅人都會發覺d名有d意思噶啦...
伱有冇發覺呢...

好似小葉同埋吖落呢對兄妹...
+埋米係‘落葉’囖...

仲有噶...
吖兒同佢細佬吖希...大家都應該估到了哇./.
+埋就係‘兒戲’啦...

希望大家嘅愛情唔好甘兒戲啦...

最後講下 m.Y LoVE——3人行呢個題目

其實好多人一定以爲係我嘅愛情題目叫‘3人行’啦..
唔係噶...
伱地見唔到‘m’同‘Y'中間有個‘.’噶咩///

‘m’其實係指吖猛嘅猛字
‘Y’更係‘YOU’啦...

m.Y LoVE——3人行係成個題目來噶!!

=>.<=
特別版

吖兒/吖希篇

“家姐，伱有冇搞錯啊，亂甘擺我D嘢...”吖希係吖兒最愛嘅細佬。
“你自己唔放好咋!!唔可以怪我。”吖兒一只手放係吖希個頭度，係甘好似洗頭甘亂整~~
“哇，家姐放過我啦~~~~我甘樣點出去見人啊~~~~555”
“見咩人啊？”
“冇啊，同學咋嘛...”

吖兒靜咗落來。

如果心可以唔不停跳動，就唔會察覺對一個人嘅愛...
吖兒太中意自己細佬了，心不停跳動，冇節奏甘跳...

“細佬，唔好去好冇啊？”
“點解啊？”
“陪我囖...”
“......”

如果心可以唔不停跳動，就唔會察覺一個人對自己嘅愛...
吖希太在乎自己家姐了，心不停跳動，有節奏甘跳...

“哎...家姐成曰都係甘噶!!下次要約我，提早講啦。伱等我...”
吖希打電話俾佢同學...
“喂，唔去啦，係啊，陪我家姐啊。”

“得啦...”吖希轉過來望住吖兒。
笑容靜靜甘飛，慢慢滲透吖兒個心。

“過來啊...”
吖兒揮揮手，叫吖希過去坐。

倆個人緊逼嘅沙發...
缺氧嘅天空...

“家姐好中意伱噶...”吖兒攬住吖希。
“我知啊...”
“吖希...可唔可以約定下世唔好跟住我出世啊...”
“嗯...”

如果心可以唔不停跳動，倆顆心就唔會以相同嘅節奏跳動了。

“如果真係有下世...唔可以避開我噶!!”
“得啦，家姐，好好甘諗下你呢一世有冇人要吧啦!!”
“伱個吖希啊...”

暖暖嘅心演藝暖暖情...

（完）
[p:4]